வார ராசி பலன் 16-07-2015 முதல் 22-07-2015 வரை
மேஷ ராசி வாசகர்களே!
உங்கள் ராசிக்கு அதிபதி செவ்வாய் 3-ல் சூரியனுடன் கூடி உலவுகிறார். புதன், குரு, சுக்கிரன், ராகு ஆகியோரது சஞ்சாரமும் அனுகூலமாக இருப்பதால் வெற்றி வாய்ப்புக்கள் அதிகரிக்கும். மனத்தில் துணிவும் தன்னம்பிக்கையும் கூடும். திடவீரபராக்கிரமம் வெளிப்படும். செயலில் வேகம் கூடும். செயற்கரிய காரியங்களையும் கூட திறம்பட ஆற்றுவீர்கள்.
இயந்திரப்பணிகள் லாபம் தரும். பொறியாளர்களது நிலை உயரும். அரசியல்வாதிகளுக்குச் செல்வாக்கு உயரும். அரசுப்பணியாளர்களின் நிலை திருப்தி தரும். போட்டிகளிலும் பந்தயங்களிலும் வெற்றி கிட்டும். வியாபாரிகளுக்கு லாபம் அதிகமாகும். மக்களாலும், வாழ்க்கைத்துணைவியாலும் அனுகூலம் உண்டாகும். ஆன்மிகத்தில் நாட்டம் கூடும். பயணத்தால் ஓரிரு காரியங்கள் நிறைவேறும்.
பரிகாரம்: சனிபகவானை வழிபடவும்.
எண்கள்: 1, 3, 4, 5, 6, 9.
நிறங்கள்: பச்சை, சிவப்பு, ஆரஞ்சு, புகை நிறம், பொன்நிறம், இளநீலம், வெண்மை.
அதிர்ஷ்டமான தேதிகள்: ஜூலை 20, 21.
திசைகள்:வடகிழக்கு, தென்மேற்கு, தென்கிழக்கு, கிழக்கு, தெற்கு,வடக்கு.
ரிஷப ராசி வாசகர்களே!
உங்கள் ராசிக்கு 4-ல் சுக்கிரனும் 6-ல் சனியும் 11-ல் கேதுவும் உலவுவது சிறப்பாகும். வார ஆரம்பத்தில் சந்திரன், சூரியன், செவ்வாய் ஆகியோருடன் கூடி இரண்டில் உலவும் நிலை அமைவதால் குடும்பத்தில் சிறுசிறு சச்சரவுகள் ஏற்படும். வீண்வம்பு கூடாது. புதன் பலம் குறைந்திருப்பதால் வியாபாரிகள் விழிப்புடன் செயல்பட்டால் நஷ்டத்துக்கு ஆளாகாமல் தப்பிக்கலாம். மாணவர்கள் படிப்பில் அதிக கவனம் செலுத்துவது நல்லது.
விளையாட்டு விநோதங்களைத் தவிர்க்கவும். கலைஞர்களுக்கு எதிர்ப்புக்கள் இருந்தாலும் வளர்ச்சி காண வாய்ப்புக் கூடிவரும். புதிய ஆடை, அணிமணிகளும், அலங்காரப்பொருட்களும் சேரும். மக்கள் நலனில் கவனம் செலுத்த வேண்டிவரும். உத்தியோகஸ்தர்களுக்கு அளவோடு நலம் உண்டாகும். 17-ம் தேதி முதல் அரசு விவகாரங்களில் நல்ல திருப்பம் உண்டாகும்.
பரிகாரம்: முருகன்,விஷ்ணு,துர்க்கையை வழிபடவும்.
எண்கள்: 6, 7. 8.
நிறங்கள்: மெரூன், வெண்மை, இளநீலம்.
அதிர்ஷ்டமான தேதிகள்: ஜூலை 20, 21.
திசைகள்: வடமேற்கு, தென்கிழக்கு, மேற்கு.
மிதுன ராசி வாசகர்களே!
உங்கள் ராசிநாதன் புதன் இரண்டில் உலவுவது சிறப்பாகும். சுக்கிரன் மூன்றிலும், கேது 10-லும் உலவுவதால் சங்கடங்களைச் சமாளிக்கும் சக்தி பிறக்கும். பேச்சாற்றால் அதிகரிக்கும். குடும்ப நலம் சீராக இருந்துவரும். பணநடமாட்டம் சற்று அதிகரிக்கும். வியாபாரிகளுக்கு லாபம் கூடும். மாணவர்களது திறமை பளிச்சிடும். நண்பர்கள், உறவினர்களால் அனுகூலம் ஏற்படும். உடன்பிறந்தவர்கள் உதவுவார்கள்.
அலைச்சல் கூடும் . ஆனாலும் பயனும் கிடைத்துவரும். உஷ்ணாதிக்கம் கூடும். எதிலும் அவசரப்படாமல் நிதானமாக யோசித்து ஈடுபடுவது நல்லது. தொழில் அதிபர்கள் எச்சரிக்கையுடன் செயல்படுவது நல்லது. உத்தியோகஸ்தர்களுக்கும் ஆசிரியர்களுக்கும் முன்னேற்றம் காணக் குறுக்கீடுகள் முளைக்கும். மக்கள் நலனில் அக்கறை தேவைப்படும்.
எண்கள்: 5, 6, 7.
பரிகாரம்: வேதம் படித்தவர்களுக்கும் படிப்பவர்களுக்கும் உதவி செய்யவும். துர்க்கையையும் தட்சிணாமூர்த்தியையும் வழிபடுவது நல்லது.
திசைகள்: வடக்கு, தென்கிழக்கு, வடமேற்கு.
நிறங்கள்: பச்சை, வான்நீலம், மெரூன்.
அதிர்ஷ்டமான தேதிகள்: ஜூலை 20, 21.
கடக ராசி வாசகர்களே!
உங்கள் ஜன்ம ராசிக்கு இரண்டில் குருவும் சுக்கிரனும் மூன்றில் ராகுவும் உலவுவதால் நல்ல எண்ணங்கள் மனதில் உருவாகும். அவை நிறைவேறவும் சந்தர்ப்பம் கூடிவரும். பேச்சில் இனிமையும் திறமையும் வெளிப்படும். குடும்பத்தில் சுபகாரியங்கள் நிகழும். பண வரவு திருப்திகரமாக இருந்துவரும். புதிய பொருட்களின் சேர்க்கை நிகழும். நல்லவர்கள் உங்களுக்கு நலம் புரிய முன்வருவார்கள்.
கலைத்துறை ஆக்கம் தரும். சொத்துக்களால் வருவாய் கிடைக்கும். பயணத்தால் அனுகூலம் ஏற்படும். வெளியூர், வெளிநாட்டுத் தொடர்புகள் பயன்படும். கடன் தொல்லை குறையத் தொடங்கும். செய்து வரும் தொழில் லாபம் தரும். புதிய முயற்சிகள் கைகூடும். வீண்செலவு வேண்டாம். கைப்பொருளைப் பத்திரப்படுத்தி வைத்துக் கொள்வது நல்லது.
பரிகாரம்: ஆதித்ய ஹிருதயம், கந்த சஷ்டி கவசம் படிப்பது நல்லது.
எண்கள்: 3, 4, 6.
திசைகள்: வடகிழக்கு, தென்மேற்கு, தென்கிழக்கு.
நிறங்கள்: புகை நிறம், இளநீலம், பொன் நிறம்.
அதிர்ஷ்டமான தேதிகள்: ஜூலை 17, 18.
சிம்ம ராசி வாசகர்களே!
உங்கள் ராசிநாதன் சூரியன் லாப ஸ்தானத்தில் செவ்வாயுடன் கூடி உலவுவது மிகவும் சிறப்பாகும். குரு ஜன்ம ராசியில் இருந்தாலும் அவரது பார்வை பலத்தால் நலம் உண்டாகும். சுக்கிரன், சனி ஆகியோரது சஞ்சாரமும் அனுகூலமாக இருப்பதால் மனதுக்கினிய சம்பவங்கள் வாழ்க்கையில் நிகழும். புதிய பதவி, பட்டங்கள் கிடைக்கும். நிலபுலங்களின் சேர்க்கையோ, அவற்றால் ஆதாயமோ கிடைத்துவரும்.
சுப காரியங்களுக்காகச் செலவு செய்ய வேண்டிவரும். மதிப்பும் அந்தஸ்தும் உயரும். உடல் நலம் சீராகும். புதிய ஆடை, அணிமணிகளும் அலங்காரப்பொருட்களும் சேரும். கலைத்துறையினருக்கு வரவேற்பு அதிகரிக்கும். சமுதாய நல முன்னேற்றப்பணிகளில் ஈடுபாடு உள்ளவர்களுக்கு நற்பெயர் கிடைக்கும். குடும்பத்தில் சிறுசிறு சலசலப்புக்கள் ஏற்படும். வீண்வம்பு வேண்டாம்.
எண்கள்: 1, 6, 8, 9.
பரிகாரம்:
மகாவிஷ்ணுவையும், துர்க்கை அம்மனையும் வழிபடுவது நல்லது. ஏழை மாணவர்கள் கல்வியில் உதவவும்.
அதிர்ஷ்டமான தேதிகள்: ஜூலை 20, 21.
திசைகள்: தென்கிழக்கு, தெற்கு, மேற்கு.
நிறங்கள்: இளநீலம், சிவப்பு,
கன்னி ராசி வாசகர்களே!
உங்கள் ராசிக்கு 10-ல் சூரியன், செவ்வாய், ஆகியோரும் 11-ல் புதனும் 12-ல் சுக்கிரனும் உலவுவதால் செயலில் வேகம் கூடும். இயந்திரப்பணிகள் லாபம் தரும். உடன்பிறந்தவர்களால் அனுகூலம் ஏற்படும். மனதில் துணிவு கூடும். போட்டிகளில் வெற்றி கிட்டும். எதிரிகள் அடங்கியிருப்பார்கள். வியாபாரிகளுக்கு ஆதாயம் அதிகரிக்கும்.
மாணவர்களது நோக்கம் நிறைவேறும். அரசு விவகாரங்களில் அனுகூலமான போக்கு தென்படும். நிர்வாகத்திறமை பளிச்சிடும். முக்கியஸ்தர்கள் உங்களுக்கு உதவுவார்கள். பொறியியல், சட்டம், காவல், ராணுவம் போன்ற துறைகளைச் சேர்ந்தவர்கள் சாதனை பல ஆற்றுவார்கள். ஜலப்பொருட்களால் லாபம் கிடைக்கும். கடல் வாணிபத்தில் வளர்ச்சி காணலாம். வாரப் பின்பகுதியில் சுபச்செலவுகள் அதிகரிக்கும்.
அதிர்ஷ்டமான தேதிகள்: ஜூலை 16, 21.
திசைகள்: கிழக்கு, தெற்கு, தென்கிழக்கு, வடக்கு.
நிறங்கள்: சிவப்பு, வெண்மை, நீலம், ஆரஞ்சு, பச்சை.
எண்கள்: 1, 5, 6, 9.
பரிகாரம்: குரு, ராகு ஆகியோருக்குப் பிரீதி பரிகாரங்கள் செய்து கொள்வது நல்லது.
துலாம் ராசி வாசகர்களே!
உங்கள் ராசிக்கு 6-ல் கேதுவும் 10-ல் புதனும் 11-ல் குருவும் சுக்கிரனும் சஞ்சரிப்பதால் செய்து வரும் தொழில் விருத்தி அடையும். வேலையில்லாதவர்களுக்குத் தகுந்ததொரு வாய்ப்புக் கூடிவரும். புதிய முயற்சிகள் கைகூடும். தெய்வப்பணிகளிலும் தர்மப்பணிகளிலும் ஈடுபாடு உண்டாகும். பொருளாதார நிலை உயரும்.
ஸ்பெகுலேஷன், கொடுக்கல்-வாங்கல் இனங்கள் லாபம் தரும். உடன்பிறந்தவர்களாலும், வாழ்க்கைத் துணைவராலும் அனுகூலம் உண்டாகும். வியாபாரம், கணிதம், எழுத்து, பத்திரிகை, கலை சம்பந்தமான துறைகளைச் சேர்ந்தவர்கள் முன்னணிக்கு உயருவார்கள். ஒன்றுக்கு மேற்பட்ட இனங்களால் ஆதாயம் வந்து சேரும். குருவும் சுக்கிரனும் ஐந்தாமிடத்தைப் பார்ப்பதால் மகப்பேறு பாக்கியம் கிடைக்கும். மக்களால் மனமகிழ்ச்சியும் உண்டாகும்.
நிறங்கள்: மெரூன், பச்சை, இள நீலம், வெண்மை, பொன் நிறம்.
எண்கள்: 1, 3, 5, 6, 7.
அதிர்ஷ்டமான தேதிகள்: ஜூலை 16, 20, 21.
திசைகள்: கிழக்கு, வடமேற்கு, வடக்கு, வடகிழக்கு, தென்கிழக்கு.
பரிகாரம்: துர்க்கை அம்மனையும் ஆஞ்சநேயரையும் வழிபடவும்.
விருச்சிக ராசி வாசகர்களே!
உங்கள் ராசிக்கு 11-ல் ராகு உலவுவது விசேடமாகும். இதர முக்கியமான கிரகங்களின் சஞ்சாரம் சிறப்பாக இல்லாததால் மனத்தில் ஏதேனும் சலனம் இருந்துவரும் காரியத்தில் வெற்றி பெற அரும்பாடுபட வேண்டிவரும். உடல்நலனில் கவனம் தேவை. சிறுவிபத்துக்கு ஆளாக நேரலாம். பதற்றப்படாமல் நிதானமாக யோசித்து ஈடுபடுவது நல்லது.
வீண்வம்பு, வழக்குகளைத் தவிர்க்கவும். செய்து வரும் தொழிலில் அதிக கவனம் செலுத்தவும். மக்கள் நலம் கவனிக்கப்பட வேண்டிவரும். 17-ம் தேதி முதல் சூரியன் ஒன்பதாமிடத்திற்கு மாறுவதால் புனிதமான காரியங்களில் ஈடுபாடு உண்டாகும். வாரக் கடைசியில் சந்திரன் ராகுவுடன் கூடி 11-ம் இடத்தில் உலவும் நிலை அமைவதால் அயல்நாட்டுத் தொடர்பு பயன்படும். புதியவர்களின் தொடர்பு நலம் தரும். பயணம் சார்ந்து ஆதாயம் கிடைக்கும். மக்களால் மனநிறைவு உண்டு.
நிறங்கள்: வெண்சாம்பல் நிறம், ஆரஞ்சு.
திசைகள்: தென்மேற்கு, கிழக்கு.
அதிர்ஷ்டமான தேதிகள்: ஜூலை 20, 21.
எண்கள்: 1, 4.
பரிகாரம்: முருகனுக்குரிய ஸ்லோகங்களைச் சொல்லி வழிபடுவது நல்லது.
தனுசு ராசி வாசகர்களே!
உங்கள் ராசி அதிபதி குரு 9-ல் அமர்ந்து, உங்கள் ராசியையும், மூன்றாம் மற்றும் ஐந்தாம் இடங்களையும் பார்ப்பது விசேடமாகும். புதன், சுக்கிரன், சனி, ராகு ஆகியோரது சஞ்சாரமும் சிறப்பாக இருப்பதால் குடும்பத்தில் குதூகலம் கூடும். பேச்சில் திறமை வெளிப்படும். தொலைதூரத் தொடர்பு பயன்படும் தெய்வ தரிசனமும் சாது தரிசனமும் கிடைக்கும். வெளிநாட்டுத் தொடர்பு வலுக்கும். வெளிநாட்டு வேலைக்காகக் காத்திருப்பவர்கள் அதற்கான வாய்ப்பை வாரப் பின்பகுதியில் பெறுவார்கள். பொருள்வரவு அதிகமாகும். மன மகிழ்ச்சி பெருகும். குழந்தைகள், தந்தை மற்றும் மனைவியால் அனுகூலம் உண்டாகும். அறப்பணிகளில் நாட்டம் கூடும். பயணம் பயன்படும். உத்தியோகஸ்தர்களுக்கும் முன்னேற்றமான சூழ்நிலை நிலவிவரும். அலைச்சல் அதிகமாகும்.
எண்கள்: 3, 4, 5, 6, 8.
பரிகாரம்: சுப்பிரமணியரையும் சூரிய நாராயணரையும் வழிபடுவது நல்லது.
அதிர்ஷ்டமான தேதிகள்: ஜூலை 20, 21.
நிறங்கள்: புகை நிறம். வெண்மை, கறுப்பு, இளநீலம், பொன் நிறம்.
திசைகள்:தென்மேற்கு, வடகிழக்கு, தென்கிழக்கு, மேற்கு.
மகர ராசி வாசகர்களே!
உங்கள் ராசிக்கு 3-ல் கேதுவும், 6-ல் சூரியனும் செவ்வாயும் 8-ல் சுக்கிரனும் 10-ல் சனியும் உலவுவதால், துணிச்சலான காரியங்களில் ஈடுபாடு கூடும். எதிரிகள் ஓடி ஒளிவார்கள். வழக்கு, வியாஜ்ஜியங்களிலும் போட்டிப் பந்தயங்களிலும் வெற்றி கிடைக்கும். ஆன்மிகப் பணிகளில் ஈடுபாடு கூடும். அரசியல்வாதிகள், அரசுப்பணியாளர்கள், இயந்திரப் பணியாளர்கள் ஆகியோருக்கெல்லாம் முன்னேற்றமான சூழ்நிலை நிலவிவரும். நல்லவர்களின் தொடர்பு நலம் சேர்க்கும்.
நல்லவர் அல்லாதவர்களை விட்டு விலகுவது அவசியமாகும். பெரியவர்களின் அதிருப்திக்கு ஆளாகாமல் இருப்பது நல்லது. குரு 8-ல் உலவுவதால் பணம் கொடுக்கல்-வாங்கலில் விழிப்புத் தேவை. உத்தியோகஸ்தர்களுக்கும் ஆசிரியர்களுக்கும் முன்னேற்றம் தடைப்படும்.
அதிர்ஷ்டமான தேதிகள்:ஜூலை 16, 21 (பிற்பகல்).
திசைகள்: மேற்கு, வடமேற்கு, கிழக்கு, தெற்கு, தென்கிழக்கு.
நிறங்கள்: சிவப்பு, நீலம், மெரூன்.
எண்கள்: 1, 6, 7, 8, 9.
பரிகாரம்:
குருவுக்கும் தட்சிணாமூர்த்திக்கும் அர்ச்சனை செய்வது நல்லது.
கும்ப ராசி வாசகர்களே!
உங்கள் ராசிக்கு 6-ல் புதனும் 7-ல் குருவும் உலவுவது சிறப்பாகும். அறிவாற்றல் பெருகும். நல்லவர்களின் துணையோடு நற்பணிகளில் ஈடுபடுவீர்கள். வியாபாரம், கணிதம், விஞ்ஞானம், எழுத்து, பத்திரிகை போன்ற இனங்கள் லாபம் தரும். கடல் வாணிபம் செய்பவர்களுக்கு வருவாய் அதிகரிக்கும். மாணவர்கள் தங்கள் திறமைக்குரிய வளர்ச்சியைக் காண வழிபிறக்கும்.
உத்தியோகஸ்தர்களது நிலை உயரும். ஆசிரியர்கள், பேராசிரியர்கள், மருத்துவர்கள், விஞ்ஞானிகள், ரசாயனத்துறைகளைச் சேர்ந்தவர்கள் ஆகியோருக்கெல்லாம் செழிப்பான பாதை புலப்படும். 17-ம் தேதி முதல் சூரியன் ஆறாமிடத்திற்கு மாறி, புதனோடு கூடுவதால் தொழில் நுட்பத்திறமை வெளிப்படும். மின்னணு, கணிப்பொறித் துறையினர் லாபம் அடைவார்கள். ஜலப்பொருட்களால் ஆதாயம் கிடைக்கும். இரவுநேரப் பயணத்தைத் தவிர்ப்பது நல்லது.
அதிர்ஷ்டமான தேதிகள்: ஜூலை 16, 20.
திசைகள்: வடக்கு, மேற்கு, வடகிழக்கு.
நிறங்கள்: நீலம், பச்சை, பொன் நிறம்.
எண்கள்: 3, 5, 8.
பரிகாரம்: நாகர் வழிபாடு மூலம் சங்கடங்களைக் குறைத்துக் கொள்ளலாம்.
மீன ராசி வாசகர்களே!
கோசாரப்படி கிரக நிலை சரியாக இல்லை. இதனால் அலைச்சல் அதிகரிக்கும். உடல் ஆரோக்கியம் பாதிக்கும். மனதில் ஏதேனும் பயம் குடிகொள்ளும். நிம்மதி குறையும். இதயம், மார்பு, சம்பந்தமான உபாதைகள் ஏற்படும். புதிய முயற்சிகளைத் தவிர்ப்பது நல்லது. அன்றாடப்பணிகளிலும் கூட அதிகம் கவனம் தேவை. பொருளாதார நிலை சீராக இராது.
பெண்களாலும், மனைவியாலும் சங்கடங்கள் சூழும். கோபத்தைக் குறைத்துக் கொள்வது நல்லது. முன்பின் அறிமுகம் இல்லாதவர்களை நம்பி ஏமாற வேண்டாம். கொடுக்கல்-வாங்கலில் விழிப்பு தேவை. எதிரிகள் இருப்பார்கள் என்பதால் யாரிடத்திலும் வெளிப்படையாகப் பழகலாகாது. பெற்றோருக்கும் மக்களுக்கும் இடையே கருத்து வேறுபாடுகள் ஏற்படும். பயணங்களால் அனுகூலம் உண்டு. வார இறுதியில் நல்ல செய்திகள் வரும்.
அதிர்ஷ்டமான தேதிகள்: ஜூலை 20, 21.
திசை: வடக்கு.
நிறங்கள்: பச்சை, ரோஸ்.
எண்: 5
பரிகாரம்: நவக்கிரக வழிபாடு நல்லது. கோளறு திருப்பதிகம் வாசிக்கவும். கணபதி, நவக்கிரக ஜப ஹோமம் செய்யவும்.
